Barcos: horarios e embarcadoiros

A entrada ao festival inclúe tanto o acceso aos concertos como o transporte en barco de ida e volta. Aquí podes coñecer tanto os horarios coma os embarcadoiros (que poderás escoller á hora de mercar o teu billete).

IMPORTANTE | O embarcadoiro de ida sempre é o de regreso: se colles o barco en Vigo, volverás a este porto; e se tes o billete desde Meirande, regresarás a este punto.

Información sobre os barcos e os embarcadoiros

Tanto os abonos como as entradas inclúen, ademais do acceso aos concertos secretos na illa de San Simón, o transporte en barco até a mesma desde o litoral.
A única forma de acceso ao festival é a través do transporte en barco para o público (que acreditarás coa túa entrada) desde Vigo ou Meirande: non se pode acceder a nado nin con transporte particular.
Só existe un horario de ida e volta dos barcos para cada embarcadoiro. Lembra chegar cun mínimo de 30 minutos de antelación.
A túa entrada dá dereito a volver ao mesmo embarcadoiro do que saíches. O horario de volta que se reflicte na táboa é a hora de saída desde San Simón.
Os barcos de Vigo sairán do porto (Estación Marítima da Ría, peirao 3), mentres que os de Meirande sairán do Centro de Interpretación de Rande.

DATA	EMBARCADOIRO
Venres 26	Vigo (14:45h-23:00h)
Venres 26	Meirande (16:15h-22:15h)
Sábado 27	Vigo (12:15h-23:00h)
Sábado 27	Meirande (13:45h-22:15h)
Domingo 28	Vigo (11:45h-21:45h)
Domingo 28	Meirande (13:15h-21:00h)