• Verbum Creativo: experimentación para todas as idades na Noite Branca de Vigo

    Con todas as normas e recomendacións sanitarias pertinentes pola COVID19, pero coa vontade de converter o museo nun espazo de participación e creación colectiva para todos os públicos. Esta é a proposta “Verbum Creativo”, deseñada por Sinsalaudio para a Noite Branca da Rede de Museos do concello de Vigo o venres 14 de agosto. A partir das oito da tarde e até as dúas da mañá o Verbum, na avenida de Samil, converterase nun laboratorio de experimentacion cunha ampla proposta de actividades para público familiar e adulto. Danza e movemento, fotografía, arte contemporánea, proxeccións, circo e un mural colectivo, da man de diferentes artistas, co obxectivo de “xuntarnos” a pesar das obrigadas distancias do tempo que vivimos.
  • Sinsal na Isla Viva Galápagos Conference (Ecuador) e na Global Toronto Conference (Canadá)

    Tras botar o peche á edición 2020 de Sinsal Litoral SON Estrella Galicia, estes últimos días de xullo o festival Sinsal preséntase en dous interesantísimos foros internacionais. O primeiro, o martes 28 de xullo: a Isla Viva Galápagos Music Conference, unha plataforma de comunicación, educación e concienciación que traballa en conxunto con organizacións e profesionais das industrias culturais e ambientais en pro da conservación desde un dos puntos máis vulnerables do mundo: as Illas Galápagos (Ecuador).
  • Máis de cincuenta empresas e entidades en San Simón para pensar como transformar “residuos en recursos e produtos en servizos”

    Se algunha idea quedou clara na xornada A Senda Circular, desenvolvida polo Festival Sinsal SON Estrella Galicia o xoves 23 na Illa de San Simón (Redondela) en colaboración coa Fundación Paideia, é que todo o que nos rodea provén da natureza. E, polo tanto, coidar desta implica non considerala unha inagotable fonte de recursos. A economía circular, temática que centrou a xornada e que é clave na Axenda 2030 da ONU, baséase na idea da permanencia frente á temporalidade, do servizo fronte á produto e do residuo como recurso. Desde o ámbito cultural, o festival quixo unir na reflexión a empresas de sectores diversos como o textil, o agrícola, o alimentario, o pesqueiro ou o sanitario. 
  • Tanxugueiras, no concerto de Rodrigo Cuevas #SinsalLitoralSONEG

    Tanxugueiras “desconfínanse” no Sinsal Litoral SON Estrella Galicia colaborando ao vivo con Rodrigo Cuevas no Castelo de Soutomaior. Será o seu primeiro directo tras o confinamento e un agasallo moi especial para o público. Tanxugueiras volven ao escenario e en Sinsal Litoral SON Estrella Galicia temos a fortuna de recibilas. Será co asturiano Rodrígo Cuevas, tan vinculado coa música e os artistas de Galicia, no concerto de apertura do festival no Castelo de Soutomaior o mércores 22 de xullo ás 21:30.  
  • A Senda Circular en San Simón, Redondela

    Aproveitar recursos e reducir materias primas. Esa é a base da economía circular, que procura ademais un cambio fundamental: convertir os residuos en recursos. No tecido empresarial galego estánse a adoptar medidas de cambio nesta dirección e representantes de empresas e institucións do país participarán o xoves 23 de xullo na xornada A Senda Circular, promovida polo Festival Sinsal Litoral SON Estrella Galicia coa colaboración da Fundación Paideia Galiza.  Unha xornada que nace desde o ámbito cultural para tecer redes e reflexionar xunto a sectores como o turístico, o sanitario, o textil, o agroalimentario ou o pesqueiro. Como sinalan os directores do festival, Luis Campos e Julio Gómez, a actividade cultural non só non é allea á Axenda 2030, senón que pode ser o catalizador e o laboratorio para aquelas transformacións necesarias no planeta no ambito ambiental, social e económico, máis urxentes se cabe coa pandemia global que estamos a vivir.
  • Sinsal Litoral SON Estrella Galicia: cinco días á beira do mar ao redor da música e do patrimonio natural e industrial

    Os espazos adquiren novos significados cando son intervidos por accións culturais innovadoras. Sinsalaudio explora novos escenarios en 2020 co festival  Sinsal Litoral SON Estrella Galicia, do mércores 22 ao domingo 26 de xullo. Música, si, pero tamén andainas polo patrimonio industrial e natural, poesía e cinema e unha xornada dedicada á economía circular forman parte do festival. O asturiano Rodrigo Cuevas será o encargado de abrir co concerto no castelo de Soutomaior o mércores 22 de xullo. Serán cinco xornadas, cada día nun espazo diferente, coa banda sonora ao vivo de Laura LaMontagne & PicoAmperio, Los Hermanos Cubero, Modulador de Ondas e Trilitrate. O xoves 23 o festival desprázase á Illa de San Simón (Redondela) para unha xornada dirixida a profesionais co título “A senda circular”; as parroquias de Cesantes e Meirande serán os escenarios do evento o venres 24; o patrimonio industrial de Vigo e os Astilleros Cardama, o sábado 25 e o peche, no marabilloso mosteiro de Oia, no mediodía do domingo 26. 
  • Non navegaremos a San Simón en 2020; remaremos no Litoral

    Imaxinamos que a esta altura da crise da COVID19 non colle de sorpresa a ninguén, pero desde Sinsalaudio, promotora do Festival Sinsal SON Estrella Galicia en San Simón (Redondela) temos que comunicarvos que en 2020 non nos veremos na illa. A organización do festival, co apoio dos seus patrocinadores privados e institucionais, decidiu que nas datas previstas para a que sería a décimo primeira edición do festival no arquipélago formado polas Illas de San Simón e San Antón, do 24 ao 26 de xullo, resulta imposible garantir a seguridade sanitaria de público, do equipo de traballo e dos artistas. Nesas mesmas datas, e tal como xa estaba na previsión de Sinsalaudio, desenvolverase o proxecto Sinsal Litoral, do que vos anunciaremos emprazamentos e actividades nas vindeiras semanas, pendentes da evolución da pandemia e das directrices sanitarias.
  • European Festival Awards: Sinsal SON Estrella Galicia nominado en Pequeno Formato

    Sinsal SON Estrella Galicia participa nos Premios dos Festivais Europeos na categoría de Mellor Festival Pequeno Formato. Desde o 11 de novembro xa se poden votar as candituras dos mellores festivais europeos. Até o día 30 de novembro poden votarse: Mellor Festival Formato Grande, Mellor Medio Formato (onde están os festivais galegos Resurrection e O Son do Camiño), Mellor Pequeno Formato, Mellor Indoor e Mellor Festival Novo. Ademais, tamén se pode escoller Mellor Cartel e Mellor Artista Revelación 2019. 
  • Sinsal SON Estrella Galicia: Premio Fest ao Máis Sostible

    Na noite do mércores 30 de outubro, o Festival Sinsal SON Estrella Galicia (San Simón, Redondela) sumaba un novo galardón á súa traxectoria. O Premio Fest ao Festival máis Sostible foi recollido en Bilbao por Julio Gómez, codirector do evento que se celebra en xullo na Illa de San Simón (Redondela) desde o ano 2010. Os Premios Fest, que chegaban á súa sexta edición, están organizados  pola Asociación de Promotores Musicales (APM) e son entregados no marco do Congreso de Festivales do Bizkaia International Music Experience (BIME). En 2015, Sinsal SON Estrella Galicia foi distinguido co Premio Fest ao Mellor Festival de Formato Pequeno; a mesma categoría na que triunfou en 2018 nos Iberian Festival Awards, galardóns que inclúen ademais os festivais portugueses.
  • Consulta a Memoria Sinsal 2019 de xestión da sostibilidade

    Antes de que remate o ano, queremos contarvos as accións e os resultados do Plan de Xestión da Sostibilidade 2019 da empresa Sinsalaudio, centrada no Festival Sinsal SON Estrella Galicia (xullo, Illa de San Simón, Redondela) que nos serve de faro e guía para todos os eventos que organizamos. Podedes descargar a memoria 2019 AQUÍ. A continuación resumimos algunhas das iniciativas e resultados.
  • No Museo do Mar de Galicia en 2019: sostibles

    Porque a sostibilidade é un obxectivo e unha necesidade en todos os proxectos Sinsalaudio, na segunda edición do Festival Sinsal SON Estrella Galicia Museo do Mar seguimos apostando pola diversidade, a reutilización, o produto local e o transporte compartido.