• Martes 15 de abril
  • Mércores 30 de abril
  • Sábado 3 de maio
    HORA LUGAR
    21.30h Sala Radar Bombataz
    • Bombataz

      Bombataz

      Sala Radar | 21.30h

       

      Desde Bélxica chega unha banda peculiar cuxa paixón pola música reborda calquera clasificación de xénero. A devoción polo jazz que compartían como estudiantes do conservatorio era só a punta do iceberg dun proxecto no que catro músicos todoterreos se achegan a todos os xéneros posibles para ofrecer, cun chisco de jazz, funk ou synth-hop, unha proposta que transmite baile. 
       

      O seu primeiro álbum, Olympics of Love (2020), tomaba como referencia a bandas e artistas da talla de Fleetwood Mac, Prince, Ambitious Lovers ou Connan Mockasin. Co seu pop alegre, divertido e melancólico á vez, Bombataz poñía o foco na pura ledicia de tocar. 
       

      Tres anos máis tarde publicaban Baby Dry My Tears (2023, Cloudshaper), co que se introducían, con entusiasmo, no indie rock ecléctico. Canalizaron o espírito de bandas consagradas como Animal Collective e de MGMT  para crear pezas cativadoras. Un traballo inconformista que fuxía da demagoxia. Cancións pegadizas que se afastaban de estruturas estereotipadas. Porque se pode ser diferente, Bombataz farao de forma diferente; pero non para ser intencionadamente difíciles nin para salientar pretenciosamente o seu pasado jazzístico senón, simplemente, porque consideran que é o seu deber musical.

Sinsal Primavera pretende visualizar propostas singulares, de difícil clasificación e, por tanto, pouco habituais no circuíto de programación.
Ir arriba