Melodías pegadizas sinistras, guitarras distorsionadas, sintetizadores primitivos, pop policromático e letras irónicas son a carta de presentación de Chemtrails. Desde Manchester e con tres discos ás costas, o grupo liderado liderado por Mia Lust -que comezou como un proxecto de gravación caseiro- chega ao Sinsal para remexer os corpos do público na Radar co seu post-garage-punk e power pop psicodélico. 
 

O seu asombroso talento para crear cancións pop raras pero irresistiblemente contaxiosas foi rapidamente descuberto polo selo sueco PNKSLM Recordings, que as fichou xusto despois do seu primeiro concerto no Trans Pride Brighton. A banda cita como as súas maiores influencias a Pixies, Blondie, Oh Sees, Fat White Family e o psicodelia e garage punk dos sesenta, pero o que sempre mantivo unido ao proxecto é a inesgotable cantidade de composicións pegadizas, interpretadas coa inesgotable emoción e enerxía da banda.

O seu terceiro e máis recente traballo, The Joy of Sects, é o máis bailable da súa traxectoria. O grupo cambiou o enfoque caseiro por un son de estudo máis de alta fidelidade, que, grazas á maxia da produtora Margo Broom (Fat White Family, Big Joanie, Goat Girl) segue sendo tan cru e salvaxe como sempre, pero cun novo nivel de intensidade.