Tramontana e Luz González crean Superorganismus, unha peza electroacústica para flauta, viola, arpa e electrónica ao vivo. A proposta agroma coa intención de xerar música de forma cooperativa e horizontal. Aínda que as catro músicas sexan independentes, a electrónica de Luz González pode modificar o son de Tramontana, mais os instrumentos acústicos son a raíz sonora dun superorganismo que o público percibirá coma un todo. 

Ivankovà investiga as emocións implícitas nos estados de transo que se alcanzan mediante a repetición sonora, a escoita atenta ou o drone. Composicións de longo desenvolvemento e tensións harmónicas xestadas a partir de mantras vocais e instrumentos electrónicos e electroacústicos, elaboran épicas paisaxes sonoras influenciados polo romanticismo e a estética neo-medieval. Desde o seu inicio en 2015, o seu traballo foi difundido en eventos como Matadero Madrid, Curtocircuíto ou  LEV Festival, entre outros. 

Cantante, compositora e artista multidisciplinar. Ana Lua Caiano converte constantemente a experiencia en creatividade e explora a fusión do folclore portugués co música electrónica e sons cotiáns. Nos seus director, parte de bases sinxelas para construír marcos rítmicos usando beatbox, palmas, tambores e maracas, nas que superón texturas de teclado, sons ambientais e a propia súa voz.