Nada en 2010 na cidade industrial de Volta Redonda (Río de Janeiro), Deafkids propón explorar a través da música diferentes vías que avancen cara á “desprogramación sónica da mente”, e achegen visións do mundo completamente diferentes, complementarias e opostas. 

A unión da banda -ao inicio formada polo prolífico Douglas Leal- e o seu traslado conxunto a Sao Paulo deu pé a abrir o espectro estilístico da mesma, que transita entre o heavy metal, o noise rock, a pshicodelia, o jazz espiritual, o hardcore punk ou mesmo a música africana, entre outras, pois todos os xéneros son benvidos para Deafkids á hora de experimentar coa expresión musical.