Quedan poucas semanas para a celebración do Festival Sinsal SON Estrella Galicia 2023, que terá lugar do 21 ao 23 de xullo na illa de San Simón (Redondela), ao igual que entradas para gozar do evento: tanto os abonos como as entradas do sábado 22 e domingo 23 esgotáronse ás poucas horas da súa saída á venda -tanto desde o embarcadoiro de Vigo coma desde Meirande-. A día de hoxe unicamente é posible adquirir os últimos billetes para asistir o venres 21 de xullo.

Nos vindeiros días anunciaremos a programación de actividades paralelas que terá lugar, de xeito gratuíto, durante a celebración do evento musical, e que inclúe tanto diferentes paseos para descubrir patrimonio natural e histórico da illa, coma outras iniciativas para afondar no coñecemento da cultura musical e de vangarda a través do proxecto divulgativo A Escola Sinsal.