European Festival Awards: Sinsal SON Estrella Galicia nominado en Pequeno Formato
Sinsal SON Estrella Galicia participa nos Premios dos Festivais Europeos na categoría de Mellor Festival Pequeno Formato. Desde o 11 de novembro xa se poden votar as candituras dos mellores festivais europeos. Até o día 30 de novembro poden votarse: Mellor Festival Formato Grande, Mellor Medio Formato (onde están os festivais galegos Resurrection e O Son do Camiño), Mellor Pequeno Formato, Mellor Indoor e Mellor Festival Novo. Ademais, tamén se pode escoller Mellor Cartel e Mellor Artista Revelación 2019.
Podes votar AQUÍ
Instaurados en 2009 por Festival Awards Ltd., Yourope e Eurosonic Noorderslag, os “European Festival Awards” teñen lugar o 15 de xaneiro de 2020 en Groningen, coincidindo coa apertura da ESNS. entréganse 15 premios, algúns decídeos o voto do público e outros un xurado. A gala acolle ademais actuacións dunha selección de talentos emerxentes do continente.