Tal e como vén sendo habitual nos últimos anos, o proxecto vigués Arte y Garabato propoñerá visualizar a oportunidade de dar novos usos a materiais reutilizados a través da creación artística. As e os asistentes aos talleres -habitualmente o público máis novo do Sinsal- poderán aprender a xerar propostas sostibles e respectuosas co medio atendendo, entre outras cuestións, ao seu impacto ambiental. 
 

Así, tomando como referencia os ‘Binomios fantásticos’ ideados por Gianni Rodari no seu libro Gramática da fantasía, así como o proxecto cultural italiano ReMida, as e os participantes -que poderán estar acompañados de persoas adultas- explorarán as diferentes posibilidades creativas, lúdicas e estéticas que ofrecen os materiais que reutilizarán durante a sesión, como obxectivos domésticos, retales téxtiles ou mostrarios de madeira. A participación no taller infantil será, un ano máis, gratuíta; e todas aquelas persoas interesadas en asistir deberán reservar a súa praza ao desembarcar na propia illa de San Simón.