ESTREA EN GALICIA
Se che gustan (ou che inspiran) as referencias de José Gonzalez, Bon Iver ou Sufjan Stevens, entón este grupo é para ti. A música deste dúo residente en Barcelona, organizado ao redor da elegancia de Matteo Sibille e Cote Fournier, podería pasar por unha formación de trobadores de San Simón ou de cantautores do 68. Música eterna, de acento folk, sempre cativadora por riba das modas.

A artista viguesa Belén Vidal, pioneira na escena electrónica iberoamericana -cunha década de actividade e presentacións por festivais e clubs de todo o mundo-, e Mwëslee (Diego Cobo), produtor á vangarda do hip-hop nacional -e que actuou en clubs de Tokio, Os Ánxeles, Marrocos, Oslo etc.-, presentarán unha dobre sesión dedicada a celebrar os 15 aniversarios do selo galego Arkestra Discos, unha das referencias imprescindibles da cultura de club en España.

Hai tempo que esta proposta de canto en occitano está na nosa lista de axitadoras predilectas como Duo Ruut (Estonia, estiveron no Sinsal en 2023) e Tarta Relena (Cataluña, visitáronnos no Sinsal 2021). Residentes en Toulouse, inspirándose no cancioneiro tradicional e a memoria etnográfica, reivindican a renovación da música popular. Demasiado modernas para os tradicionalistas e moi folclóricas para os urbanitas, a súa música tamén pasou polas mans do produtor Raul Refree.
 

ESTREA EN ESPAÑA

WaqWaq Kingdom é un dúo xaponés formado por Kiki Hitomi (cantante, entre outros proxectos, de King Midas Sound) e Shigeru Ishihara (DJ Scotch Egg). A pesar das aparencias, a súa proposta futurista é unha fusión do estilo tradicional xaponés Minyo con dancehall xamaicano, dub, ritmos tribais e bandas sonoras de Super Nintendo. Un conxunto de sons e referencias visuais inspiradas na antiga mitoloxía sintoísta e os festivais xaponeses tradicionais Matsuri (Patrimonio Cultural Inmaterial da Humanidade). Que fariamos sen Xapón?

ESTREA EN ESPAÑA

Ali é unha proposta de psicodelia que reúne influencias como o rock indonesio dos anos 70, o soul cinematográfico e o afro beat cos sons vibrantes da escena musical local. Ali inspírase na arte, na música de Oriente Medio e na cultura árabe que, ao longo dos séculos, foise integrando no no estilo de vida dun dos países con maior diversidade cultural de Asia. Encántanos o seu son vintage!

ESTREA EN ESPAÑA
Coñecido por ser un artista irreverente, provocador e activista queer, divide a súa exuberante produción entre a performance, a danza, o teatro, a música, a pintura, a fotografía e o cinema. É autor de máis de 40 obras de teatro, recibiu numerosos premios internacionais de artes escénicas e presentou a súa música por toda Europa, América e Asia. Cunha presenza escénica que oscila entre a estrela de rock e a "prima donna", Dimchev móvese entre o romanticismo melancólico e a pista de baile ballroom.

ESTREA EN ESPAÑA
Un dos nomes máis vibrantes na nova escena urbana de Lisboa, en constante ebulición debido á atarefada diversidade cultural da capital lusa. Este escenario musical é o proceso dunha fusión de ritmos e sonoridades da diáspora africana que importa a calidez dos ritmos tribais e as tradicións oriúndas. Entrelazando gravacións de campo, sintetizadores e samples, Fidju Kitxora reforma e moderniza o son contaxioso do afro-house ou o koduro.

Desde as raíces da tradición Mezoued, un estilo de música popular prohibido nos medios oficiais de mediados do século XX por ter a súa orixe na poboación rural, Sofyann Ben Youssef (AMMAR 808) remestura os sons coas novas ferramentas e procesos dixitais. Himnos sufíes, melodías malouf, escalas árabes e cancións populares antigas, todo nun mesmo repertorio, orientado á celebración en comunidade. Unha ponte entre lugares e tempos desde Tunes para o mundo.

A artista viguesa Belén Vidal, pioneira na escena electrónica iberoamericana -cunha década de actividade e presentacións por festivais e clubs de todo o mundo-, e Mwëslee (Diego Cobo), produtor á vangarda do hip-hop nacional -e que actuou en clubs de Tokio, Os Ánxeles, Marrocos, Oslo etc.-, presentarán unha dobre sesión dedicada a celebrar os 15 aniversarios do selo galego Arkestra Discos, unha das referencias imprescindibles da cultura de club en España.