Rutas de 30 minutos arredor do perímetro da illa. É unha actividade náutica innovadora e 100% sostible na que podes practicar deporte e escoitar os concertos desde unha táboa estable e segura. 

• Imprescindible ter entrada para ese mesmo día, saber nadar e facer uso do chaleco salvavidas.
• A actividade realizarase en grupos reducidos (máx. 10 persoas), acompañadas dunha guía.
• Menores de 9 anos, gratuíto. A partir dos 10 anos o prezo será de 15 euros por persoa, 25 euros por parella ou de 10 euros para grupos de 4 a 10 persoas. Importante: as e os menores deberán estar acompañadas da ou do titor legal -con máis de 16 anos deberán ter autorización asinada-.

Proposta dirixida ao público familiar, especialmente ao público máis novo. O obradoiros LIMBO, gratuíto, as e os asistentes construirán e deseñarán de forma autónoma distintas escenografías a través da reutilización de pezas de madeira e outros materiais de refugallo, tanto de forma individual coma colectiva. Todos os talles terán unha duración dunha hora e as inscricións poderanse realizar na mesma xornada. 

Microconcertos acústicos de agrupacións galegas de música clásica. As actuacións terán asistencia limitada en cada pase (tres en total, cada media hora, con capacidade máxima de 30 por sesión) e o sistema de acceso a estes concertos é con entrada (2€), que se pode adquirir a través da plataforma Enterticket.

Paseo con Amarturmar, a asociación cultural de mulleres e homes do mar de Cesantes, para botar unha ollada á enseada de San Simón desde a experiencia cotiá das mariscadoras e pescadores da parroquia. Coñeceremos a diversidade mariñeira do lugar, mais tamén a súa actividade económica, o papel da economía circular e, sobre todo, como o cambio climático está a transformar os recursos naturais da zona.

Para participar, inscríbete no email info@sinsalaudio.org, co asunto "Paseo Amarturmar" (sábado 23). Deberás confirmar a túa praza no punto de Administración ao desembarcar na illa de San Simón; de xeito que as persoas interesadas en participar e que estean en lista de agarda poidan optar á praza se finalmente non participas.

A Escola Sinsal: 20 ideas para presumir de vintage’ recorre la historia del registro sonoro del surco de grabación a través de más de cincuenta objetos, agrupados en veinte ideas o conceptos, de la colección de Sinsalaudio. Visitas guiadas de 18.30 a 19.00h previa inscripción en info@sinsalaudio.org (asunto “Visita guiada A Escola Sinsal”).

‘Por que as túas fillas escoitan trap?’ é unha aproximación á historia da tecnoloxía musical. A mostra parte dunha premisa: a chegada da electricidade cambiou tanto a composición como o son da música popular e clásica.

Domingo 24 de xullo, 19-20h: Theremin con Paulo Pascual.  O músico vigués amosará o funcionamento deste instrumento e as súas técnicas para xerar sons ou interpretar melodías. Recoméndase realizar inscrición previa en info@sinsalaudio.org (asunto ‘Theremin con Paulo Pascual’).