Elena Vázquez

Violinista e improvisadora galega, licenciada no Conservatorio Superior de Música de Vigo e becada pola Escola de Altos Estudios Musicais de Galicia. Foi membro da Orquestra Barroca da Universidade de Salamanca. Colaborou co Jove Ensemble ACA de Música Contemporánea de Mallorca, JONDE (Joven Orquesta Nacional de España), JOA (Jeune Orchestre Atlantique), Orquestra Barroca da Casa da Música do Porto, Orquestra Barroca de Mateus e Ars Combinatoria.

A súa actividade na música improvisada e experimental comeza da man da Orquestra O.M.E.Ga (Orquestra de Música Espontánea de Galicia), da cal é membro dende a súa formación no ano 2007, e coa que actuou no Festival TRAUMZEIT en Duisburg (Alemania) e o Festival de Jazz ImaxinaSons de Vigo. Foi membro da B.I.B. (Banda d'Improvisadors de Barcelona) e actuou no Festival des Itinéraires (Narbonne).

Membro das formacións de impro libre Fonogenia e Suelen Estar Quartet, colaborando con artistas experimentais como Christina Vantzou ou a bailarina contemporánea Mónica García. Forma parte tamén do Cuarteto Dumka e dos grupos Peña e Trilitrate. Pertence ao Colectivo Metamovida e participa na organización das Sesións HALO de improvisación libre na cidade de Vigo dende a súa creación no ano 2014.