Information

Sinsal Esencial é, en esencia, o Festival Sinsal SON Estrella Galicia de sempre pero cun apelido. Mais se cabe, é o máis Sinsal das últimas edicións, pois afonda na súa propia natureza. Máis ca nunca.
  • Tres xornadas de concertos

    Músicas de vangarda, de raíz, sonoridades modernas e propostas contemporáneas conforman unha coidada e exquisita paisaxe sonora.
  • Unha viaxe en barco

    A Illa de San Simón é o escenario e cabeza dun cartel secreto até o desembarco. A saída desde o litoral cara á illa é o punto de partida dunha viaxe ateigada de contemporaneidade, auga e vida.
  • Unha illa

    No corazón da Ría de Vigo atópase a illa de San Simón, un enclave fermoso e singular: foi fonte de inspiración na lírica medieval, lazareto no s. XIX e campo de concentración na guerra civil.
  • Un cartel secreto

    Unha proposta secreta, comisariada por Sinsalaudio, que atende ás creacións máis estimulantes do momento e sorprende ao público con suxestivos directos.