(Galego) Premios Fest 2017: as candidaturas de Sinsal Son Estrella Galicia

Sorry, this entry is only available in Galician and European Spanish. For the sake of viewer convenience, the content is shown below in this site default language. You may click one of the links to switch the site language to another available language.

Chega unha nova edición dos Premios Fest e o Festival Sinsal Son Estrella Galicia atópase incluido en varias das categorías. O evento, que organizamos desde Sinsalaudio e que ten lugar cada mes de xullo na Illa de San Simón (Redondela), pode ser votado nas categorías Mellor Festival Formato Pequeno, Mellor campaña Comunicación, Mellor proposta actividades, Festival Tecnolóxico e Sostibilidade. Case cento cincuenta festivais españois “compiten” nestes premios organizados polos promotores musicais en colaboración con diferentes entidades e patrocinios como o de Beefeater. A entrega dos premios terá lugar no BIME (Bilbao) o último fin de semana de outubro. Podedes votar aquí: Premios Fest 2017

Case todas as categorías son decididas polo voto mixto: popular e xurado profesional. Do voto de ambas partes saen dúas listas ordenadas por votos recibidos, de maior a menor. O voto do xurado pro é ponderado un 50% sobre o do público. A suma de ambas listas dará como resultado unha lista curta cos tres finalistas. O primeiro posto da lista será o gañador dos Premios Fest.

Sinsal Son Estrella Galicia recibiu o premio Fest ao Mellor Festival de Formato Pequeno no ano 2015. Sen dúbida, o galardón sumou na maior proxección experimentada polo festival nos últimos anos. Deunos sorte, si. Como a que lle desexamos aos proxectos candidatos nesta nova edición.